-->

Bate kam u CEM ka KHADC ia ki 7 ngut ki EM 

Date:

Share post:

Shillong, Risaw 09: U CEM ka KHADC Bah Winston Tony Lyngdoh ha ka sngi Palei, ula bate kami a ki Executive Member (EM) jong ka Executive Committee kaba la ialam da ka seng VPP, ha kaba ula khmih hi dalade ia ka General Administration, Appointment, Posting & Transfer, Trade, Enforcement, Revenue Collection, Arts & Culture, Khasi Traditional Medicine Commission (KTMC) bad kiwei kiwei ki tnad ki bym shim la aiti sha ki EM.

Kane ka jingbate kam kala urlong hadien shi sngi ba u Lat ka jylla ula ai ia ka jingmynjur ia ka thup kyrteng jong ki 7 ngut ki Executive Member kaba kynthup ia ar ngut ki longkmie.

U Bah Powell Sohkhlet ula shah pynkhamti ban khmih ia ka Land, Development bad Information & Technology katba u Bah Seiborlang Warbah un khmih ia ka Finance, Taxation bad Forests.

Ka Kong Aibandaplin F Lyngdoh kan khmih ia ka Tnad Health & Sanitation, Solid Waste Management bad Education katba ka Kong Deity H Majaw kan khmih ia ka tnad Law & Legal Matters kynthup ia ka jingpyntreikam ia ka Khasi Social Custom of Lineage Act & Rules, Constitutions of Courts, Marriage & Divorce bad Town Committees.

U Bah Isynei Hinge un khmih ia ka tnad Water Resources bad Fisheries, u Bah Pynkhrawboklin Kharjahrin un khmih ia ka Council Buildings & Council Assets bad Building Byelaws bad u Denzil Raynard Chen un khmih ia ka Elaka Administration bad Market.

“Kano kano ka jingbym bhah kami a kano kano ka tnad, ki kam kiba iadei bad ka jingthung kam bad jingpynkynriah kam ia ki ophisar bad ki nongtrei ha baroh ki tnad un khmih hi da u Chief Executive Member,” la pynpaw u Bah Lyngdoh ha ka jingpynbna paidbah.

“Nalor kane dei ban don ka jingiasyllok bad u Chief Executive Member ne bad ka Executive Committee ha kaba iadei abd kino kino ki kam kiba kongsan khnang ba kan long ka jingshim jingkitkhlieh lang jong ka Executive Committee baroh kawei kumba la kdew ha ka Rule 31(1) jong katei ka Rule kaba la kdew haneng” ula bynrap.

Kane ka EC kaba ialam da u Bah Winston Lyngdoh la thaw hadien ba u CEM barim u Bah Shemborlang Rynjah ula hiar shuki noh namar ka jingbym don ha ka met kaba koit ba khiah.

Share post:

-->
spot_img

Popular

More like this
Related

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Thung ka Sorkar ia ka SIT ban tohkit ia ka jingshah pyniap u Khynnah ha Nongrah

Shillong, Risaw 09 : U Symbud Myntri Rangbah ka...

Pynjari ka Meghalaya-Assam da ka korphiw miet ha khappud ka thain Lapangap

Shillong, Risaw 09: Ka Sorkar Meghalaya bad Assam, kila...