Nongpoh, Naitung 06 : Ka seng United Hynniewtrep Movement (UHM)-Nongpoh Circle hynne ka sngi Palei, kala ioh ban bat ia 12 ngut ki bar Jylla ba kynnoh wan rung beain khlem kot khlem sla sha Jylla, ia kiba la wan pynkit da ki artylli ki kali shimet ba rem dor.
Ia kine ki bar jylla la ioh ban bat na kawei ka kali Scorpio bad kawei ka Ford Endeavour ha ka thain Nongpoh.
Ha ka jingtohkit la lap ba kine ki briew ki thmu ban leit trei bylla sha Bhoirymbong. Ki Nongialam ka UHM kila ialam noh ia kine ki bar Jylla sha ka Anti Infiltration Check Gate kaba don ha Byrnihat n aka bynta ban check ia ki kot ki sla da ki Pulit kiba trei ha katei ka jaka.
Da kane ka jingleit tohkit, ka Seng kala lap ba kine ki bar jylla kim don satia ia ki labour licence bad halor kane ka jingshem, ka seng ha ryngkat ki Pulit, kila pynphai noh ia kine ki briew sha Assam.
U Working Presdient ka UHM-Nongpoh Circle samla Sparly Syngkli ula pynpaw ia ka jingsngewkhia halor ka jingioh lad jong ki bar jylla ban wan rung khlem kot khlem sla sha Jylla. Ula pynpaw ruh ba ki bar jylla kila sdang pyndonkam mynta da ki buit bapher bapher ban wan rung tuh sha Jylla ia kaba la sakhi da ka jingiohkem na ki kali shimet ba rem dor.
Pule ruh: G20 Conclave : Ki paid Meghalaya ki don jingiadei ba iajan bha bad ka mariang, ong u CM
-Nongpoh Circle hynne ka sngi Palei, kala ioh ban bat ia 12 ngut ki bar Jylla ba kynnoh wan rung beain khlem kot khlem sla sha Jylla, ia kiba la wan pynkit da ki artylli ki kali shimet ba rem dor.){kind=link}