Shillong, Lber 18 : Ka ding kaba rhem bad klang bha, kala bamduh ia kawei ka Iing ha ka Shnong Umpaji, Sahsniang Saitthad, West Jaintia Hills.
Ha kane ka jingjia, iwei i Heprit ba dang 4 snem ka rta, ila khlad na ka jingpluh.
Kane ka jingjia kala jia hynnin ka miet sngi Nyngkong por 8:45 baje eiei. Kane ka Iing ka dei jong i Kong Itaima Iakai.
Kat kum ka khubor, arngut ki khun ki dang iohthiah hapoh iing ha ka por ba jia kane ka jingjia bad kine ki dei i Elisha Iakai ba 4 snem bad i Glorify Iakai ba 10 snem.
La iathuh ba i Heprit Glorify ila ioh ban mih shabar hynrei i Elisha ila sahkut hapoh ka Iing kaba pluh.
Ka jingtohkit mynta kala iaid shakhmat ban lapdien ia ki daw ka jingpluh.
