Shillong, Rymphang 10: Ka ding kaba klang bha kala bamduh hynne ka step sngi Nyngkong ia kawei ka jaka buh tiar lane ka Godown jong u Anuj Bawri.
Kane ka Godown ba don ha ka ka Building Joavon Towers, kaba la long trai da ka Kong Jone Manners ha Umsohsun, kala kem ding ha ka por 11 baje eiei.
La iathuh ba baroh ki jingdon jingem kiba don hapoh kane ka Godown kila shah pynjulor lut haka ding.
Mar ia ioh jingtip halor katei ka jingjia, ki Pulit pynlip ding ki ka hiar mar mar sha katei ka jaka ban tem ia ka ding hashuwa ba kan pur sha kiwei pat ki dukan.
U trai jong kane ka Godown u Anuj Bawri u la iathuh ba kane ka Godown kadei ba buh iaki tiar Electric kum ki Computer bad kiwei kiwei.
U la iathuh ba watla u dang hap khein iaka jingduh nong hynrei la khein antad ba kan poi palat T.70 lak namar baroh ki tiar kila shah pynjulor lut.
U la ong ba ki Pulit ki dang pynlong iaka jingtohkit hynrei la shu antad ba ka lah ban dei naka jingthut ka bording (Short Circuit).
