Guwahati, Jylliew 21: U Lat ka Assam u Jagdish Mukhi hynne ka sngi u la pyntian smai ia ki 26 ngut ki dkhot ki ba dang shu shah jied thymmai sha ka Karbi Anglong Autonomous Council (KAAC).
Ha ka jingkren u Lat u la kyntu ia ki dkhot ba kin trei ha ka lynti jong ka synshar paidbah bad halor ka ioh ka kot bad ka roi ka par jong ki nongshong shnong.
Na ka liang u Myntri Rangbah ka Assam, u Himanta Biswa Sarma ruh u la ia don ryngkat lang ha kane ka jingialang pyntian smai ba la pynlong ha Diphu. Ka BJP ka la sar ha kane ka ilekshon KAAC ba la pynlong ha ka ba sdang jong une u bnai da ka ba jop ha baroh ki 26 tylli ki seat.
Lyngba ka Twitter u Lat u la pynpaw da ka ba ong; “Nga sngewkmen shibun ban ia don bynta ha kane ka jingialang pyntian smai na ka bynta ki dkhot ki ba dang shu shah jied thymmai ka General Council jong ka Karbi Anglong Autonomous Council (KAAC) ka ba la long ha Diphu. Nga ai ka jingkhublei ka ba kyrpang ia iwei pa iwei i dkhot ka KAAC.” “Nga ngeit skhem ba kin pynlut ia ka por na ka bynta ban pyniaid ia ki kam katkum ki riti synshar paidbah bad halor ka bha ka miat bad ka roi ka par jong ki paid nongshong shnong hapoh ka thain.”
I am confident that they will devote themselves to uphold the democracy and comprehensive development of the people of the region. pic.twitter.com/e3EAYsYgGP
— Prof. Jagdish Mukhi (@jagdishmukhi) June 20, 2022
Kumjuh na ka liang u Myntri Rangbah Sarma lyngba ka twitter u la ai khublei ia baroh ki dkhot da ka ba ong ruh ba lyngba ka jingtrei shitom jong kine ki dkhot ka KAAC, ka Karbi Anglong kan nang jam sha ki ba bun ki mawmer jong ka jingjop.
Extended my compliments to all the elected members for a successful tenure.
Hon Min Shri @JogenMohanAssam; Hon MP Shri @horensingbey and Hon MLAs also accompanied me on the occasion. pic.twitter.com/9E7IGI35dp
— Himanta Biswa Sarma (@himantabiswa) June 20, 2022
Ia ka ilekshon na ka bynta ka KAAC la pynlong ha ka sien ka ba nyngkong hadien ka jingiasoi ia ka jingiateh jingsuk bad ki santylli ki kynhun seng lehnoh jong ka district ha u bnai Nailur 2021, ka ba dei ruh ka jingiateh ka ba lai bad ki lehnoh jong kane ka district rilum, kata ha ka ba ki jingiasoi ki ba la dep ki la long ha ka snem 1995 bad 2011.
Da ka jingiasoi ia ka ‘Karbi Anglong Agreement’ ha kane ka snem ba la dep, haduh kumba 1,000 ngut ki lehnoh ki la wan pyndem noh ia lade ha ka ba la plie ruh ia ka song jingiarap kam pynroi ka ba kyrpang ka ba longT.1,000 klur na ka bynta san snem ka ba thmu na ka bynta ki kam pynroi hapoh ki jaka shong shnong jong ki Karbi.
