Shillong, Naiwieng 03: Ka Anti-Ragging Committee (ARC) ka North Eastern Hill University (NEHU) ha ka sngi Thohdieng, kala rai ban thoh sha u Chief Secretary bad Director General of Police (DGP) ka Jylla ban kyrpad ha kaban pynkloi noh ia ka jingtohkit halor ka jingshah thombor u samla pule Naga dang shen ha NEHU, Tura Campus.
“Ka Committee kan thoh sha u CS bad DGP bad sha u SP ka Tura, ban kyrpad ba kin pynsted ia ka jingtohkit, haba kdew b aka jingpynslem kan ktah jur ia ka jinglong jingman ka pule dangle hapoh ka University” ong u Dr Davidson Pyngrope, PRO ka NEHU ha ka kyrwoh.
Dang shen, uwei u samla pule Naga ula shah thombor ha ka kynhun ki samla pule ha Tura Campus, kiba la phah law lyngkhuit bad phah shad ia u. Hadien kane ka jingjia, une u samla ula phet n aka Campus bad ula leit phai beit beit sha Nagaland.
U Dr Davidson ula ong “Ngin sa phah da ka shithi sha u Campus Director ka Tura Campus, ba pynpaw ba lada ym lah ban pynithuh kloi ia ki nongthombor, ka Univeristy ka lah ban shim ia ka rai ban ai jingpynsajia lang kat kum ki kyndon jong ka University Grants Commission (UGC) guidelines.”
Ka ARC kala bthah ruh ia ki nongkhmih ia ki hostel bad kiwei ki Ophisar ba kin ai ia ki jingtip kiba bniah, kiba batai halor ki jingbym lah ban ujor ejahar kloi halor kane ka jingjia.
Kala ai jingmut ruh ban thaw ia ka Committee ki saw ngut ki dkhot kynthup ki dkhot ba nabar ba kin pynlong ia ka jingtohkit kaba bniah halor kane ka jingkynnoh thombor ia une u samla pule Naga.
“Ka University kan pyrshang ban wad ia ki lad ki lynti ha kaban kyrpad ia ki riew rangbah ka Nagaland ba kin iarap ban pynioh iakren bad une u samla, khnang ban lah ithuh ia ki briew kiba donkti” ong u PRO haba pyntip ba ha ka jingialang ba dang shen, u Prof RL Nongkhlaw Dean of Students Welfare ula pyntip ia ka Committee halor ka jingpyrshang ka University ban iakynduh ia u lanot lyngba ki bahaiing hasem hynrei ki bahaiing kim shym la shah satia ia ki bor ka NEHU ba kin iakynduh ia u.
Ka University kala kyrpad ba lada don mano mano kiba don jingtip halor kane ka jingjia, ba kin wan shakhmat bad iarap lem ha kane ka jingtohkit.
 ka North Eastern Hill University (NEHU) ha ka sngi Thohdieng, kala rai ban thoh sha u Chief Secretary bad Director General of Police (DGP) ka Jylla ban kyrpad ha kaban pynkloi noh ia ka jingtohkit halor ka jingshah thombor u samla pule Naga dang shen ha NEHU, Tura Campus.){kind=link}