Nongstoin, Nailur 19 : U Deputy Commissioner ka West Khasi Hills Bah Garod LSN Dykes, hynne ka sngi Ba-ar, ula pyntip ba ki bor District kila thung ia ka Judicial Inquiry ban tohkit ia ka jingduhnoh ka Longkmie ia u Khunlung namar ka jingkah lynti iaid ki rawon ba wan iakop khwai dohkha ha Pamphyrngai, kaba jia ha ka sngi Saitjain bala lah.
Ha kajuh ka por, u pyntip ba ka Ophis u Superintendent of Police ka District, kala shim suo moto case halor kane ka jingjia bad ka jingtohkit mynta kala iaid shakhmat.
U pyntip ba kane ka rai kala mih na ka jingialang hapdeng jong u (DC), u Superintendent of Police(SP) bad ki Magistrate ba long hynne ka sngi Ba-ar.
Haba iakren bad ki nongthoh khubor, u Bah Garod ula ong ba kane ka jingialang kala shim ruh ia ka rai ban pynduh noh ia baroh ki jingai jingbit jong ka Khasi Hills Autonomous District Council (KHADC) ban pynlong ia ka jingiakop khwai dohkha ha West Khasi Hills.
Kane kala mih ruh hadien ba ka tnad District Council Affairs (DCA) ka Jylla, kala rai ban pynduh noh ia ka jingpynbna jong ka KHADC No DC/RBF/XXXII/64/2023/171 ba 14 tarik Naitung 2023 kaba iadei bad ka jingkhmih bad jingteh kyndon ia ki jingiakop khwai dohkha. Ia kane ka jingpynbna la pynmih ruh ha ka Part-II jong ka Gazett ka Meghalaya ha ka 3 tarik Nailar 2023.
Kat kum ka hukum bala pynmih na ka DCA, la ong ba u Lat ka Jylla ula lap ba ka KHADC ka khlem iaid kat kum ki lynti kiba dei ha ka jingpynmih ia kane ka jingpynbna ha ka Gazette ka Meghalaya.
Haba kylli, u Deputy Commissioner ula pyntip ba ki nongpynlong ia ka jingiakop khwai bad kynjuh ruh ki Nongialam Shnong ka Ksehkohlong kila wan mih sha ka Ophis jong u bad pyntip “Nga la kren shai ba ia kaei kaba la jia, ka iaid kan iaid bad shim iala ka jong ka lynti”.
Pule lang ia kane: Palat 5000 tylli ki kam bymman la register case ha EKH hapdeng u 2020-2023
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 ban pynlong ia ka jingiakop khwai dohkha ha West Khasi Hills.){kind=link}