Guwahati, Naitung 14 : Ka Kynhun na ka Election Commission of India (ECI) kan sa wan iuhkjat ha Assam ban iakren halor ki jingeh bad ban lum jingtip ia ka jingsngew ki paidbah halor ka draft ba tyrwa ban phiah thymmai ia ki constituency.
Kane ka kynhun kala buh ban wan iuhkjat ha Assam haduh lai sngi lynter kata naduh ka 19 tarik haduh ka 21 tarik Naitung.
Ha kane ka jingwan jong ka, ka kynhun kan pynlong ia ka jingialang bad baroh ki seng sain pyrthei, ki seng bhalang bad ban air uh ka rynsan ban iakren bad ban sngap ia ki jingai jingmut nalor ki jingujor.
Ia kane ka jingialang yn pynlong ha Srimanta Sankardev Kalakshetra, Guwahati, ha kaba ki nongmihkhmat na ki seng sain pyrthei bapher bapher bad ki kynhun sengbhalang kin iadonlang ban ia pynsngew iala ki jong ki jingsngew nalor ki jingai jingmut.
