Nongpoh, Naitung 14 : Ka ding kaba klang bha kala bam duh ia artylli ki Iing bad katto katne ki dukan hynne ka step phyrngap jong ka sngi Thohdieng ha ka shnong 18 Mile, Umdoh, Ri-Bhoi District.
Kat kum ka khubor Pulit la iathuh ba kine ki Iing ki dei jong ka Kong Shebil Pohshna bad Pansngiatshisha Khriam.
Ia kane ka jingkem ding kine ki Iing la iohi nyngkong da ki nongiaid nongieng kiba la pyntip mar mar sha ki para nongshongshnong bad sha ki Pulit pynlip ding.
Ki Pulit ki iathuh ba ki briew ba sah ha kine ki Iing kila kloi ban mih nala iing hashuwa ba ka ding kan klang. Ha kane ka jingjia ym shym la don kano kano ka jingjia ba sngewsih.
Ki Pulit ki dang tohkit mynta ia ki daw halor ka jingkem ding kine ki iing.
