Guwahati, Jymmang 7: U State President ka BJP Assam Dilip Saikia ha ka sngi Palei u la pynbna ba ka sorkar NDA kaba thymmai kaba ialam da ka BJP ha Assam, kan bam smai ha ka 12 tarik Jymmang.
Haba kren bad ki nongthoh khubor, u Saikia u la ong ba ia ka jingshim smai yn pynlong ha Khanapara ha Guwahati ha ka por 11 baje mynstep bad yn pynlong ia ka “ha ka rukom kaba khraw”.
Ki tyllong khubor jong ka seng, ki iathuh ba U Himanta Biswa Sarma, un long Myntri Rangbah ka Jylla, sa shisien, wat la kam shym la don kano kano ka jingpynbna kaba thikna.
“U Myntri Rangbahduh ka ri u Narendra Modi un wan kum u kongsan ha ryngkat Ryngkat bad u Myntri kam pohiing ka sorkar pdeng u Amit Shah, u national president ka BJP u Nitin Nabin, bad katto katne ngut kiwei pat ki riew pawkhmat ruh kin don lang ha kane ka sngi bam smai” ong u Saikia.
U la ong ba la khmih lynti ba palat shi lak ngut ki briew kin wan sha kane ka jingialang.
“Ki paidbah ki la ap khmih lynti ban ia don bynta lang ha katei ka jingialang bam smai.Ngi kyrpad ïa ki paidbah ba kin ïalum lang ha Khanapara ha ka por 9 baje mynstep ha katei ka sngi,” u la bynrap.
U Saikia u la ong ba kane kan dei ka sorkar NDA kaba la ialam da ka BJP ha Assam kan dei kaba lai sien lynter bad pan ruh ia ka jingkyrkhu na ki paidbah na ka bynta kane ka samoi treikam kaba thymmai.
“Ngi kut jingmut ban trei da ka jingaiti lut bad jingsngewrit kaba kham khraw shuh shuh na ka bynta ki paidbah ka Assam.Ka jingkut jingmut jong ngi ka long ban pynlong ia ka Assam kum ka jylla kaba la roi la par bad ka jylla kaba shngain”, u la ong.
U la bynrap ba ka jingïatylli ka dang pynleit jingmut ha ka roi ka par bad ka jingïada, katba ka dang buh jingkheiñ ïa ka jingpyn ban smai kum ka jingpynkylla bor kaba pura bad ka jingpyni ïa ka jingkyrshan rad bah ki paidbah shwa ka samoi treikam jong ka sorkar ban wan.
