spot_img

Assam: Wan pyndem haduh 40 ngut ki ehrang APLA kynthup u Commander-in-Chief

Date:

Share post:

Guwahati, Jylliew 2: Haduh 40 ngut ki ehrang kynthup u Commander-in-Chief (C-in-C) ka kynhun kaikhlaw Adivasi People’s Liberation Army (APLA), kila wan ban pyndem wait hynne ka sngi Thohdieng ha ki Pulit ka Assam ha Karbi Anglong.

Kat kum ka jingiathuh ki Pulit, kine ki ehrang kila pyndem ruh ia bun bah ki tiar ialeh bad ki kuli. Ki tiar siat ki kynthup ia lai tylli ki AK rifles, 19 tylli ki pistol, 5 tylli kiwei pat ki rifle, artylli ki grenade bad bun bah ki kuli.

Ia kine ki ehrang ka APLA la ialam hi da u C-in-C uba tip kyrteng da u Sahil Munda. Ka kynhun APLA ka dei kaba la pait na ka kynhun Adivasi National Liberation Army ha u snem 2019 da ka jingphet haduh 125 ngut ki dkhot.

“Haduh 40 ngut ki ehrang ka APLA kynthup u C-in-C kila wan ban pyndem wait hynne ka sngi ha Karbi Anglong. Ngi kmen palat ba kila wan phai sha ka lynti kaba dei” ong ki Heh Pulit.

Haba iakren bad ki nongthoh khubor, u Sahil Munda ula ong ba ma u bad katto katne ki ehrang kila rai ban pyndem wai hadien ka jingiohi ba ki kam pynroi kila wan hapoh ka Jylla hapoh ka jingsynhar ka Sorkar ba ialam da u Himanta Biswa Sarma bad ba kumno kane ka Sorkar kala weng ia ki jingeh jong ki Adivasi.

Share post:

spot_img
spot_img

Popular

More like this
Related

Sngewskhem ka Meghalaya ban lah pynlong ia ka National Games 2027 kaba jop

Shillong, Nailur 01 : U Myntri ka tnad ialehkai...

Mih pyrthei ka jingai Labour Licence thok ha Meghalaya | Yn ujor da ka ejahar, ong u Myntri

Shillong, Nailur 01 : U Myntri ka Tnad Labour...

Kloi u Bah Shakliar ban hiar shuki kum u Myntri lada bthah ka HSPDP

Shillong, Nailur 01 : U Myntri Sorkar bad MLA...

Rakhe ka ri-lum Garo ia ka sngi kha ba 78 u PA Sangma bad lyngkhuh snem ba 13 ka NPP

Williamnagar, Nailur 01: Ka sor Williamnagar kala shongshit ha...