spot_img

Assam: Wan phetrieh haduh 133 ngut ha Dhubri namar ka kam iaumsnam ha West Bengal

Date:

Share post:

Guwahati, Naitung 11 : U Myntri Rangbah ka Jylla Himanta Biswa Sarma hynne ka sngi Ba-ar ula pyntip ba ki don haduh 133 ngut ki briew kiba sheptieng iala ka jingim namar ka kam iaumsnam ha ka elekshon Panchayat ha West Bengal, kila wan ban phetrieh ha Dhubri District ka Assam.

Ha ka sngi Ba-ar, u Myntri Rangbah Himanta Biswa ula thoh ha Twitter “Hynnin ka sngi, 133 ngut ki briew kiba sheptieng iala ka jingim namar ki kam iaumsnam na ka elekshon Panchayat ha West Bengal, kila wan phetrieh ha Dhubri District ka Assam. Ngi la ai jaka rieh ia ki ha ki jaka sah ba shipor bad kumjuh ruh ia ka bam ka dih bad ki dawai dashin”.

Haduh 20 ngut ki briew kila iap na ka jingiakulmar bad jingiaumsnam ha West Bengal kaba mih na ka jingiakynad jong ka elekshon Panchayat.

Ia kane ka elekshon Panchayat la pynlong ha ka sngi U Blei bad ka kam iaumsnam kala khie ha kylleng ki jaka, kaba lam sha ka jingiatar ia ki ballot paper hadien ba rong tuh ia ki ballot box.

Kat haduh ka sngi U Blei, 17 ngut ki briew kila iap na kane ka jingiaumsnam elekshon ha Bengal.

Ha ka sngi Nyngkong, u Nongtrei ka TMC Maidul Sheikh ula iap n aka jingmynsaw ha NRS Medical College bad Hospital. Ula mynsaw jur na ka jingiashoh iadat hapdeng ki Nongtrei ka TMC bad ka Congress ha Raghunathganj, kaba don ha Murshidabad District. Kane ka jingjia kala jia ha ka sngi Saitjain.

Ha ka sngi Nyngkong, la pynlonng biang ia ka jingiathep vote sa shisien ha kumba 700 tylli ki polling booth kiba don ha ki 19 tylli ki District ka Jylla.

Pule lang ia kane: Pynbna shah jingit ka ACHIK ban pyntreikam ia ka backlog policy ia ki Garo bad Winter Capital

Share post:

spot_img
spot_img

Popular

More like this
Related

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...

Maham ka SMB ia ki jaka khaii ban buh mar shabar ki dukan

Shillong, Jylliew 27: Ka Office Chief Executive Officer (CEO)...