Guwahati, Naitung 11 : U Myntri Rangbah ka Assam Himanta Biswa Sarma hynne ka sngi Nyngkong ula pyntip ba ka jing pynieng ia u statue ba jrong tam ha pyrthei jong u Bir Lachit Barphukan, la khmih lynti ban pyndep hapoh u Kyllalyngkot 2024.
Une u statue un dei uba jrong haduh 125 phut da ka takma bad yn pynieng ia ka ha ka jaka sah kynmaw ia u Lachit Barphukan kaba don ha Hollongapar, Jorhat.
U Himanta ula leit ban iuhkjat ha kane ka jaka ha Hollangapar ha ka sngi Nyngkong bad iakynduh ruh ia ki Engineer bad ka Construction Agency ha kaba la bthah ia ki ba kin pyndep noh ia ka statue hapoh ka por bala buh.
The world’s tallest statue of Bir Lachit Barphukan is expected to be ready by January 2024. Earlier today, I visited the construction site.
📍 Hollongapar, Jorhat District pic.twitter.com/s443Tn8tnt
— Himanta Biswa Sarma (@himantabiswa) July 10, 2023
U Himanta ula buh syntiew ban sah kynmaw ia une u riewkhraw jong ka Jylla Assam.
Haba iakren bad ki nongthoh khubor, u Himanta u pyntip ba ka Sorkar kala shim haduh 50 bigha ka jaka na ki paidbah ba kan pynieng ia une u statue haba iathuh ba ia kumta hi, kumba 12 % ka kam kala dep.
Ia une u statue la tei ha ka jingmang pisa ba T. 120 klur ia kaba la ong ba ka dei ka jingleh burom kaba khraw ruh ia une u General ki shipai ka Ahom, ula la iada ia ka Jylla na ka jinghiar thma ki Mughals.
Ka Sorkar Jylla kala pyllait paidbah ruh ia ka video documentary halor ki kam jong une u riewkhraw.
Pule lang ia kane: Iasoi MoU ka Sorkar bad ka NTPC ban pynkhlain ia ka jingpynmih bording ha Meghalaya
