Guwahati, April 11: U Myntri Rangbah ka Jylla u Assam u Himanta Biswa Sarma hynne ka sngi ula kynthoh tyngeh iaka Assam Jatiya Parishad (AJP) kaba ialam bakla halor ka Citizenship Amendment Act (CAA).
Haba kren sha ki lad pathai khubor u Myntri Rangbah ka Assam ula ong “Palat 2 klur ngut ki nong Bangladesh kila rung sha Assam. Mano ba ong ia kata, u Myntri Rangbah ne u Akhil Gogoi ne Lurinjyoti Gogoi..Kidei ban panmap”.
“Ka jingkhlad 5 ngut namar ka jingiakhih kadei namar ka jingpynshit bad ka jingialam bakla halor ka CAA” la ong u Himanta.
Ula ong “Ki paidbah ki mih sha surok namar ka jingshah ialam bakla halor ka CAA bad kila pynjulor iaki jingdon jingem. Namar ka jingialam bakla kine baroh kila jia”.
Ula kop ruh iaka jingpawnam u Rahul Gandhi daka ba ong “Lada kylli iaki khynnah skul LP, iano ki kwah long Myntri Rangbahduh, kin ong beit Narendra Modi”.
U Himanta ula kren haki jingialang paidbah bala pynlong ha Dibrugarh Lok Sabha constituency naka bynta u Myntri Sorkar Pdeng u Sarbananda Sonowal.
