Guwahati, Jymmang 06: Ka Rights and Risks Analysis Group (RRAG) ka la pynskhem biang ïa ka jingkam ba 640 ngut ki nongthoh khubor ki la shah thombor ha ka Sorkar ba shipor jong ka Bangladesh ba ïalam da u nongïoh khusnam Nobel Dr. Mohammed Yunus naduh u bnai Nailar 2024.
Ka PRAG kala kyntait iaka kaiphod ba lamkhmat da u Dr. Mohammed Yunus daka ba ong ba kane kadei tang ka jingthmu ban ïalam bakla halor ka jingleh donbor ka Sorkar shipor jong ka Ri Bangladesh.
Ka Chief Advisor’s Press Wing ka la kyntait ïa ka kaiphod jong ka RRAG daka ba kam ba ka kaiphod ka long tang ka jingïalam bakla hynrei u director ka RRAG u Suhas Chakma u la kynthoh pyrshah da kaba pynskhem ba ïa ka jingkheiñ ba kdew ba 640 ngut ki nongthoh khubor kila shah thombor kadei ba la shim na ki tyllong khubor kiba bun ba la pynshisha, kynthup ïa ka Manabadhikar Shongskriti Foundation (MSF) kaba don ha Dhaka bad ki lad pathai khubor na Bangladesh.
“Kine ki jingkheiñ ki dei katkum ki jingkheiñ jingdiah ba la pynmih da ka MSF bad ki khubor ba la pynshisha da ki lad pathai khubor. Ka Daily Star ka la pynpaw ba 266 ngut ki nongthoh khubor ki la ïakynduh ïa ki mukotduma naduh ka 5 tarik u Nailar 2024. Ka jingkheiñ jong ngi ka long kaba skhem” la ong u Chakma.
“Ka jingkyntait na ka Press Wing kadei tang ka jingthmu ban sait khuid” u la ong.
Ka RRAG ka la buh ia ka nongrim jong ka jingkhein jong ka – 182 ngut ki nongthoh khubor ki la shah pynngat mukotduma, 206 ngut ki nongthoh khubor ki la mad ia ka jingshah thombor ne jingshah pyntieng, 85 ngut ki nongthoh khubor ki la shah khot hajir ha ka Bangladesh Financial Intelligence Unit (BFIU) bad 266 ngut ki nongthoh khubor ki la shah pynngat ha ki kyndon aiñ laitluid.
U Chakma u la bynrap ba ki jingpyrshang ka Sorkar shipor ban kiar naka jingshim jingkitkhlieh ka long kiba bakla ha ka liang ka ain. “La ka long ka Sorkar shipor ne ka Sorkar ba la jied da u paidbah, ka Sorkar ka don ka jingkitkhlieh na ka bynta ban khmih iaki jingpynkhein ia ka hok longbriew manbriew hapoh ka jaka treikam jong ka” u la ong.
Ka RRAG ka la kynthoh kylla ruh halor ka jingkynnoh ba ka jingkhein ba iap briew haka jingkulmar CHT bad u Chakma u la kam ba 9 tylli ki metïap ki bym shym la khien na Khagrachari Hospital bad ka Sorkar shipor ka la kular ban pynlong ia ka jingtohkit kaba pura hynrei kam shym la pynmih ia kano kano ka jinglap wat hadien hynñiew bnai.
“Khlem da pynmih ïa la ka jong ka kaiphod jingtohkit, ka CA Press Wing kam don nongrim ban pynjah burom ïa ki jingkheiñ jong ka RRAG. Pyllait shwa ïa ka kaiphod, nangta sa kren” u la ong.
U Chakma u la kyntait ia ki jingkynnoh ba ka RRAG kam burom iaka jinglap ki nong wad bniah. U la kdew sha ka jingthoh hapoh bad ka DismisLab—kaba mih na ka kaiphod ba la kynthoh da ka RRAG—ba la ïoh rung da ka CA Press Wing.
“Kane ka pyni shai ba ka DismisLab ka treikam kum ka jingtreikam ka CA Press Wing” u la ong.
U Chakma u la kynthoh ïa u Dr Yunus daka ba kynnoh ba u pynïap iaka kam thombor bad ka jinglong niam, da kaba kdew ïa ka jingkren jong u naduh ka 5 tarik Nailur 2024, ha kaba u la kynnoh ba kam shym la don ka jingïapher kaba shai hapdeng ki nongkyrshan jong ka Awami League bad ki Hindu ha ki jingshah thombor hadien ka Sorkar ba ïalam ka Hasina.
“U khlieh Sorkar u dei ban shaniah ha ki jingtohkit ba la pynshisha, ym ha ki jingkynnoh bym lah ban pynshisha” u la ong.
Haba jubab ïa ki jingkynnoh ba u leh shiliang ïa ka Awami League, u Chakma u la ong: “U Dr. Yunus u rieh ha lyndet jong ka syrngiew jong ka Sheikh Hasina. U dei ban shim ia ka jingkitkhlieh na ka bynta ki jingshah lehbein kiba dang iai bteng, khamtam pyrshah ia ki lad pathai khubor. Ka jinglong nongjop Nobel kam ai jingmap ia ka jingleh donbor”.
 ka la pynskhem biang ïa ka jingkam ba 640 ngut ki nongthoh khubor ki la shah thombor ha ka Sorkar ba shipor jong ka Bangladesh ba ïalam da u nongïoh khusnam Nobel Dr. Mohammed Yunus naduh u bnai Nailar 2024.){kind=link}