Silchar, Nailar 27: Uwei u samla pule ka Bangladesh uba pule ha National Institute of Technology (NIT) Silchar, u la shah phah leit phai noh sha la Ri namar ba u la kyrshan ia ka jingthoh kaba pyrshah ia ka India ha ka rynsan Social Media.
Une u samla pule u la ai jingkyrshan iaka jingthoh pyrshah ia ka India ha ka facebook bala thoh da u Sadat Hossain Alphi na ka Ri Bangladesh uba dei ruh samla pule barim jong ka NIT Sichar.
Hadien ka jingujor, ia kane u samla pule la phah leit phai noh sha ing kata sha Bangladesh lyngba u pud u sam jong ka India-Bangladesh na Karimganj ha ka por kumba 11baje mynstep.
Ki bor pyniaid ki la ai ka jingpahara kaba biang ia une u samla pule ha ka por ba u iaid lyngba ka khappud India-Bangladesh na Karimganj.
Naka liang ki bor pyniaid jong ka NIT Silchar ki la kam ba utei u samla pule u la pynpaw ia ka jingkwah ban leit phai sha la iing bad ula pan shuti.
Une u samla pule ka rung sha ka NIT Silchar ha u snem 2021.
Kane ka jingthoh pyrshah ïa ka India da ka account jong u Sadat Hossain Alphi, ka dei kaba la wanrah nyngkong eh sha ki bor ba dei peit da u Subhashish Choudhary, u samla pule barim jong ka Assam University Silchar, ha ka 22 tarik Nailar.
Kum ka jingsakhi la pynmih ruh iaka jingthoh u Sadat Hossain Alphi haka por ba ujor.
Naka liang u Alphi u la kyntait ba u la pynmih ïa kitei ki jingthoh pyrshah ïa ka India da kaba kynnoh ba ka facebook account jong u ka la shah tuh.
Ula kam ba nar ia tip ba la pynmih ia ki jingthoh kiba pyrshah ia ka India na ka account jong u, u la ong biang ban pynshisha ba u la ioh biang ia ka account jong u bad u la delete ia katei ka jingthoh.
 Silchar, u la shah phah leit phai noh sha la Ri namar ba u la kyrshan ia ka jingthoh kaba pyrshah ia ka India ha ka rynsan Social Media.){kind=link}