Shillong, Nailar 27: Ka ding kaba klang bha, kala bam duh ia kawei ka dukan furniture ha ka step sngi Ba-ar ha Pohkseh, kaba hap ha Rynjah Police Station, Shillong.
Kat kum ka khubor Pulit, kane ka jingpluh kala jia ha ka por 10 baje eiei bad la suba jur ba ka daw ka lah ban dei na ka jingthut ki waiar ding.
Ki Pulit ki pyntip ba ha kane ka jingjia, ka ding kala jan ioh pur sha ki jingker jong ka karkhana shna kali kaba don markhap hynrei donbok ba la lah ban tem ia ka ding hashuwa ba kan poi sha ka karkhana.
Ia kane ka ding la lah ban pynlip noh da ka jingpoi ki kali pynlip ding ha ryngkat ka jingiarap lang ki paidbah.
