Tinsukia, Naiwieng 5: Ha ka jingjia ba pynkyndit ia baroh, u Imam (nongialam niam ki Muslim) bala 55 snem ka rta, ula shah dung iap hapoh ka Mosque kaba don ha Tinsukia District hynne ka step sngi U Blei.
Kaei kaba pynkyndit eh ka long ba hadien kane ka kam ba shurkhei, u nongleh bymman ula phet na kane ka jaka, ula kylliang ia ki jain phong bad hadien ula wan phai kum u nongpeitkai ban sakhi ia kaei kaban jia hadien.
Une u briew u kyrteng u Maulana Tehzeeb Islam, uba dei na Purnia District ka Bihar. Ula trei kum u Iman hapoh ka Mosque jong ka thain Makum Kolabari, Tinsukia.
Ki Pulit kila shimkhia halor kane ka jingjia bad tang katto katne por, kila ioh kem noh ia u briew uba pyniap. Ki Pulit ki iathuh ba u briew uba leh ia kane ka kam u kyrten gu Mohammad Ibrahim Ahmed, uba dei u trai shnong. La iathuh ba une u briew ula leit rung hapoh ka moque bad da ka wait, ula dung bunsien ia u Maulana Tehzeeb Islam haduh ban da iap.
Ki Pulit kila pynkit noh ia ka metiap u Iman ban pyndep ia ka post mortem. Ki Pulit ki pyntip ba kila register case pyrshah ia u Ibrahim Ahmed hapoh ka kyndon 302 jong ka Indian Penal Code(IPC).
 bala 55 snem ka rta, ula shah dung iap hapoh ka Mosque kaba don ha Tinsukia District hynne ka step sngi U Blei.){kind=link}