Guwahati, Naiwieng 24 : Haduh 4 ngut ki briew kynthup 2 ngut ki Khynnah shynrang, kila shah kyrdem iap ha ki hati khlaw hynnin ka sngi Palei ha Karbi Anglong District, Assam.
Kine ki saw ngut ki kyrteng u Kania Toria (55), Ribika Kerketta (28), Geseya Kerketta (3) bad uwei u Khunlung ba dang shisnem shiteng Augustin Karmakar. Baroh kine ki dei na ka shnong Bomanthi.
Kat kum ka jingiathuh ki trai shnong, kane ka jingjia kala jia haba arngut ki rangbah bad kine ki khynnah, ki dang wan phai n aka jaka rep hadien ba kila pyndep ia ka kam.
Ki Heh Pulit bad ki OPhisar ka Tnad Forest kila her wut wut sha katei ka jaka ba don ki metiap ba kin leh ia ka post mortem.
“Ka jingiatakhuh hapdeng ki Hati khlaw bad ki briew kala kiew bha ha Assam khamtam ha ka por tlang ha kaba ki hati kila wan rung sha ki shnong ki thaw ban wad bam. Kiba bun ki lyngkha kba ruh kila shah pynjulor lut na ka jingwan bam kba ki hati” ong ki trai shnong.
Kat kum ka kaiphod na ka Ministry of Environment, Forest and Climate Change, la pyni ba hapdeng u snem 2014 haduh 2022, haduh 3938 ngut ki briew kila iap na ka jingthombor ki hati khlaw ha Assam.
Kiba bun ki hati ruh kila iap hynrei ka daw ka jingiap jong ki, ka dei na ka jingshah lymbat ha ka bording elektrik. Don ruh ki khep ba ki briew kila ai bih ia ki hati.
Ka Assam ka dei ka jaka ba wan ba-ar ha ka jingdon bun eh ki hati hadien ka Karnataka. Kane ka long kat kum khana samari ia ka jingdon ki hati bala leh ha u snem 2017.
