Itanagar, Naiwieng 24: U Myntri Rangbah ka Arunachal Pradesh Pema Khandu ula ong ba ka Sorkar jong u, kala ieng pyrshah bha ia ki kam bamsap bad pynrem jur ia ka jingpyndonkam ia ka bor jong ka pisa ha ka elekshon.
Haba kren hapoh ka Alpkalin Vistarak Training Programmme jong ka BJP ha DK Convention Hall, u Khandu ula ban jur halor ka jingkongsan ban pynngam ha ka jingmut jingpyrkhat ki paidbah ba kin ym biej ia ka pisa.
U Khandu ula kyntu ruh ban pynduh jait noh ia ka jingpyndonkam ia ka bor jong ka pisa ha ka elekshon.
Ula iaroh ia u President ka State BJP Biyuram Wahge, General Secretary (Organisation) Ananta Narayan Mishra bad ia ka kynhun kiba la pynlong ia ki jingai jinghikai ha kylleng ki jaka.
U Khandu ula ong ba ka BJP ka dei ka party kaba lah ban wanrah ia ka roi ka par ha ka Jylla bad kyntu ia ki paidbah ba kin pynkhlain ia ka Sorkar na ka bynta ka jingkiew shakhmat ha baroh ki liang.
