Guwahati, Nailar 29: Ka Assam kala shah ktah jur bha ha ka jingshlei um na ka jingkiew kynsan ka wah Brahmaputra bad palat 1 lak ngut ki briew kila shah ktah ha ki 17 tylli ki District ka Jylla bad haduh ba thoh ia ka khubor, arngut ki briew kila shah rong ha ka wah.
Kane ka jingshlei um kala wan jia namar ka jingther u slap ba bun sngi sha ki bynta ba shaneng jong ka Wah.
Kat kum ka khubor, kane ka jingshlei um kala shim ia arngut ki mynsiem briew ha Sivasagar bad Dibrugrah District bad kala ktah ia kumba 1,90,675 ngut ki briew na ki 17 tylli ki District ha kine ki 24 kynta bala leit noh.
Ki District kiba la mad ia kane ka jingshei um ki kynthup ia ka Biswanath, Chirang, Darrang, Dhemaji, Dhubri, Dibrugarh, Golaghat, Jorhat, Lakhimpur, Majuli, Morigaon, Nagaon, Nalbari, Sivasagar, Sonitpur, Tamulpur, bad Udalguri.
Kat kum ka jingpyllait khubor ka Assam State Disaster Management Authority (ASDMA), haduh 190675 ngut ki briew kila shah ktah ha ki 522 tylli ki Shnong haduh hynnin ka sngi Nyngkong. Kala pyntip ba haduh 47 tylli ki jaka rieh ba shipor la dep ban buh ha Dhemaji, Lakhimpur, Chirang, bad Sonitpur districts. Ki jingthung jingtep kiba la shah pynjulor kila kot palat ia ka 8086 hectare.
Ka jingshlei um ka dei ka kam ba jia manla u snem ha Assam bad tang ha u bnai Jylliew bad Naitung mynta u snem, haduh 14 ngut ki briew kila iap.
Kiba bun ki jingtei,ki surok bad ki jingkieng kiba don harud jong ka wah, kila shah pynjulor ha Biswanath, Darrang, Udalguri, Chirang, Dhemaji, Dibrugarh, Nalbari, Sivasagar, Dhubri, Lakhimpur, Majuli, Morigaon, Sonitpur, Tamulpur bad Udalguri districts.
Pule ruh: “Ngan sa pan jingtip na ki Pulit halor ka jingjia ha Lapangap” ong u Myntri
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
