Dibrugarh, Nailar 6: U wei u nongtrei kam sorkar u la shah kem katba u dang pdiang ia ka pisa ba shah pynbam na u wei u nong shnong shnong uba la kyrpad ban phah pynkylla ia ka jaka ha Dibrugarh, Assam.
Ia une u nongtrei sorkar la tip kyrteng kum u Hiren Nath, uba dei u Land Record Assistant jong ka ophis Circle Officer kaba don ha Moranhat Revenue Circle, u la shah kem noh ha ka sngi Nyngkong hadien ba la kynnoh ba u dawa pisa 50,000 hajar na ka bynta ban pynkylla kyrteng ha kaba iadei bad ka jaka.
Ka Directorate of Vigilance and Anti-Corruption kala pynap shrip hadien ba kila ioh pdiang ia ka jingujor. Ha ka por ba ki pynap shrip, u Nath u la pdiang ia ka pisa kaba long 7 hajar tyngka kum ka pisa ba siew shi bynta ba u la dawa ha shwa ba un shah kem noh ha ka kynhun jong ka vigilance.
La pynngat ia u hapoh ka Section 7(a) of the Prevention of Corruption Act, 1988 (as amended in 2018). Ia ka case la register ha ACB Police Station bad ka Case No. 44/2025.
“Ia kane ka pisa ba shah pynbam la ioh na ka met jong u bad la kurup noh ia kane ka pisa ha ka jingdon lang ki nong sakhi ba laitluid ki,” la ong ka kyrwoh khubor na u ophis ka Directorate of Vigilance and Anti-Corruption.
