Guwahati, Risaw 23: Ki Pulit jong ka Cachar kila kem ia u wei u briew ba la 64 snem la rta halor ka jingkynnoh ba u la ak ia lade kum u senior physician da kaba ioh ia ka syrnot thok ne ka fake medical degree na Bangladesh.
Ia une u briew la tip kyrteng kum u Jayanta Prasad Das.Ia u Das la kem ha ka miet sngi Balang namar ba u la pyniaid ia ka jaka sumar thok.
Haba kren sha ki lad pathai khubor, u Senior Superintendent of Police (SSP) ka Cachar u Numal Mahatta u la ong, “Ka jingsdang kadei na ka jingshah kem u doctor jakoid ba nyngkong eh, u Pulok Malakar, ha ka 3 tarik u bnai Nailar bad bud pat da 13 ngut ba kynthup lang ia u Das, ia uba la kem ha ka por ba dang pynlong ia ka jingtohkit,”.
“U la ju pynïaid ïa katei ka jaka pule kaba khlem ithuh kaba la ai kyrteng ka National Institute of Medical Sciences (NIMS), kaba ai ïa ki kyrdan ne ka fake medical degrees bad ki syrnot ba thok ba kynthup ia ka MD (Alternative Medicine),” ong u Mahatta.
U Mahatta u la ïathuh ba katto katne ngut ki doctoe jakoit kiba la shah kem, kynthup ïa u Pulok Malakar, ki la ïoh ïa ki syrnot jong ki na ka Das’s Institute. Ka NIMS, u la ong ba kam don kano kano ka jingmynjur na ka National Medical Council (NMC) lane na kino kino ki bor ba dei peit.
U Das u shah kynnoh ba u pynïaid ïa ka jingïadei kaba ïadei bad ka college thok, ki degree thok, bad ki syrnot thok ba la ai sha ki briew shimet kiba ak ia lade kum ki doktor.
