Guwahati, Nailur 25: Ka Special Investigation Team (SIT) jong ki pulit Assam ha ka sngi Palei kala kem ia uwei u nongtem (musician) u Shekhar Jyoti Goswami na ka bynta ban kylli jingkylli ha kaba iadei bad ka jingkhlad ba kynsan jong u nongrwai u Zubeen Garg. U Goswami u dei u dkhot jong ka kynhun kaba la leit ryngkat bad u Garg ha ka yatch ha shwa ba un khlad noh.
Ki bor ba pyniaid ki la pynthikna ia ka jingshah kem jong u hynrei kim shym la pynpaw ia ki jingkynnoh pyrshah ia u.
Ha kajuh ka por, ka SIT ka la leit jngoh ruh ïa ka ïing sah jong u nongseng bad u cultural activist u Shyamkanu Mahanta kum shi bynta jong ka jingtohkit kaba dang ïaid shakhmat.Hynrei ki heh sorkar kim la iathuh bniah ha kaba iadei bad katei ka jingtalasi.
Kitei ki jingjia ka bud ïa ka jingpynthikna u Myntri Rangbah ka Jylla u Himanta Biswa Sarma sha ki paidbah ka Assam ba “ym don uwei ruh u briew uba lait” ha ka jingtohkit halor ka jingïap khlem dei por jong u Garg.
Ha ka sngi Balang, u Sarma u la pynpaw ha ki lad social media ba u la khot ïa high-level review meeting bad u Director General of Police ka jylla (DGP), u Additional DGP (CID), u Chief Secretary, bad ki heh ophisar. Hadien ka jingïalang, u la bthah ïa u DGP ban thaw ïa ka Special Investigation Team (SIT) kaba kynthup ïa ki katto katne ki ophisar ba tbit tam jong ka Assam ban pynthikna ïa ka jingtohkit kaba bniah.
 jong ki pulit Assam ha ka sngi Palei kala kem ia uwei u nongtem (musician) u Shekhar Jyoti Goswami na ka bynta ban kylli jingkylli ha kaba iadei bad ka jingkhlad ba kynsan jong u nongrwai u Zubeen Garg. U Goswami u dei u dkhot jong ka kynhun kaba la leit ryngkat bad u Garg ha ka yatch ha shwa ba un khlad noh.){kind=link}