Guwahati, Nohprah 10 : U Myntri Rangbah ka Assam Himanta Biswa Sarma ula pyntip ba ka Sorkar Jylla kala pynkhreh ia ka song pisa ba T. 350 klur ban pynlong ia ka Assam State Zoo and Botanical Garden kum kawei na ki Zoo ba itynnad tam hapoh India.
U Himanta u pyntip ba ka jingpyntrei ia ka Zoo ha Silchar bad Dibrugarh ruh ka lah ban sdang noh shen.
U iathuh “kine ki kam kila don hapdeng ka jingkhot tender. Ym kum ka State Zoo, kine ki Zoo ha Silchar bad Dibrugarh kin dei kiba pyllait beit ia ki mrad ba kin iaid kin sdang bad ki nongleit peitkai kin hap ban shong hapoh ki kali. Ki lah ban shimpor kumba 3 haduh 4 snem ban pyndep”
