Guwahati, Nohprah 10: Ka Central Bureau of Investigation (CBI) kala chargesheet ia 9 ngut ki briew hapoh ka Iingkashari Special Judge, CBI Court ha Guwahati, Assam haba iadei bad ka jingrahbor bad pyniap ia kawei ka samla kynthei.
La kynnoh ba ha ka 15 tarik Naitung, kawei ka kynthei kala shah set ha Sawombung Gate ha ki briew kiba don kumba 100 ngut eiei kynthup ki riew kiengatiar bad hadien kane lah rahbor ia ka sha ka shnong Keibi hapoh ka kali. Tang hadien katto katne por, la lap noh ia ka metiap jong kane ka kynthei na katei ka juh ka thain.
Ki Pulit kila register case halor kane ka jingjia ha Lamlai Police Station bad halor ka jingkyrpad ka Sorkar Manipur, ka CBI kala shimti noh ia ka jingtohkit.
Ha ka kyrwoh, ka CBI kala pyntip ba ha ka jingtohkit la lap ia kine ki briew kiba donkti ha katei ka jingjia bad la chargesheet noh ia ki hapoh ka Iingkashari u Special Judge ka CBI ha Guwahati.
