Guwahati, K’lyngkot 12 : U Myntri Rangbah ka Assam Himanta Biswa Sarma ha ka sngi Palei, ula pyllait paidbah ia ka skhim Mukhya Mantri Mahila Udyamita Asoni Scheme, ka ban iarap ia 3.9 million ki kynthei kiba don jingiadei kam bad ki Self Help Group (SHG).
Kane ka skhim kan iarap ia kito ki kynthei kiba kwah ban sdang ban sengkam sengjam lajong.
“Ngi la don lypa ia ka skhim na ka bynta ki SHG ki Kynthei ha kaba haduh 7 lak ngut ki kynthei kila kylla long ki ‘Lakhpati’. Kane ka skhim thymmai kan iarap ia kine ki kynthei kiba kwah ban sengkam noh la ka jong na ki SHG ba ki ju iadonbynta.
Ha ka kylla kaba nyngkong, ki nongaplai kin ioh ia ka grant ba T.10,000 jong u snem ba nyngkong ba kin sdang ia kano kano ka kam na thup ki 145 tylli ki kam bala pynkhreh da ka Sorkar. Ka song pisa bala buh ia kane ka skhim kum shibynta jong ka mang tyngka ka Jylla ka long T. 3,900 klur, kaban long ruh ka skhim ba hehduh hapoh ka Jylla.
.){kind=link}