Guwahati, Naiwieng 18 : Haduh arphew ar ngut ki Khynnah kila poi hospital bad kem pang hadien ka jingleit bam khawai ha kawei ka Iing iathoh ha ka shnong Hudukhata, kaba hap hapoh ka Barpeta District ha ka sngi U Blei.
Kine ki Khynnah kila shu prie kynsan kynsan bad la pynkit noh mar mar ia ki sha Salbari Model Hospital ba kin ioh ia ka jing sumar. Ia kane ka jingkhawai la khot pynlong da u Lakheswar Deka ban lehkmen ia ka jingiathuh ka Khun, kaba ju khot ha ka kolshor jong ki kum ka Tuloni Biya.
Ki Pulit ka Salbari kila pynlong ia ka jingtohkit halor kane ka jingjia ban lap ia ki daw tynrai ka jingiohpang.
Kane ka dei ka sien kaba ar ba ioh pang ki briew na ka jingbam khawai mynta u bnai bad kaba nyngkong ka dei kaba jia ha ka shnong Golaghat ha kaba haduh 200 ngut ki briew kila shu kem pang kynsan na ka jingia bam ha Iingiap briew ha ka shnong Pasghoria kaba hap ha ka thain Sarupathar.
