Guwahati, Iaiong 3: Ka National Human Rights Commission (NHRC) kala phah notice sha u Director General of Police, Assam, kaba pan ia ka kaiphod kaba bniah hapoh saw taiew halor ka jingshah kem u nongthoh khubor ha Guwahati.
Une u nongthoh khubor udei uba trei ha kawei ka news portal bad la iathuh ba u la shah khot sha Panbazar police station bad u la shah kem noh ha ka 25 tarik u Lber hadien ba u la dep ban lum khubor ia ka jingiakhih da ki nongtrei ka Cooperative Apex Bank Ltd. Assam.
Kane ka jingiakhih ka dei ba dawa da ka jingtohkit ki heh Ophisar halor ka jing kynnoh pyndonkam bakla ia ka pisa jong ka bank bad dawa ban leh eiei pyrshah ia kito kiba donkti.
Katkum ka kaiphod ba la mih sha ki lad pathai khubor, une u nongthoh khubor u la buh ka jingkylli ia ka Managing Director jong ka Bank ha kaba iadei bad ka jingshah kynnoh ha shwa ba un shah kem.
Ka NHRC ka peit khmih ba lada ka kaiphod kadei kaba tikna, kan pynsngewkhia halor ka jingpynkhein ia ka hok u nongthoh khubor. Kala shim khia da ka suo motu halor kane ka kam bad kala pan jingshai ruh na ki pulit ka jylla.
 kala phah notice sha u Director General of Police, Assam, kaba pan ia ka kaiphod kaba bniah hapoh saw taiew halor ka jingshah kem u nongthoh khubor ha Guwahati.){kind=link}