Guwahati, K’lyngkot 31 : Uwei u Khynnah ula shah pynngat ha ka hukum set along ba 7 snem halor ka jingleh beijot bad pyniap ia kawei ka heprit 6 snem ha Hailakandi District ka Assam.
Kane ka jingjia kala jia ha u bnai Rymphang 2022 bad hadien ka jingshong bishar ba katto katne sien, ka Iingkashari ba kyrpang ha ka sngi Nyngkong, kala pynmih ia ka hukum.
Kat kum ka khubor, ha ka 14 tarik Rymphang, une u khynnah ula shah kem hapoh ka Juvenile Justice (Care and Protection of Children) Act, 2015 bad hadien ki Pulit kila kem ia u Kpa namar ka jingpynjulor ia ki sakhi satar.
U Special Judge ha ka sngi Nyngkong, ula pynbna ia ka hukum ba la pynngat ia une u Khynnah hapoh ka kyndon 302, 201 bad 363 jong ka IPC bad ka kyndon 6 jong ka POCSO Act hadien ka jingsngap ia 29 ngut ki nongai sakhi.
Une u Khynnah u dei uba dang 15 snem ka rta, ula phla ia kane ka kam bymman ba ula leh, ong ki Heh Pulit.
