Dibrugarh, Nailar 22: Ki bor pyniaid District ka Dibrugarh, ha ka sngi Thohdieng kila pynlong ia ka jingkyndang bad pynkhuid ia nongwan buhai shnong beain hajan ka Chief Minister Secretariat ha Paltan Bazar, Maijan, da kaba niew ia ki kum ki nongwan kyntur pud beain ha ki jaka jong ka sorkar.
Ha kane ka sngi, ki heh ophisar kila pyndonkam da ki bulldozers ne ki puh shilum, bad kila pynpra ia kiba bun tylli ki iing kiba la tei khlem ka jingbit na ki bor ba dei khmih.Ki bor ba dei peit kila pyntip ba ia ka jaka ba la kyndang bad pynkhuid yn pynroi na ka bynta ki jaka treikam ba thymmai hapoh ka Chief Minister’s Secretariat, ha kaba dang shen la buh ia u maw nongrim.
Na ka liang u Dr. Saikat Patra uba dei u Mayor ka Dibrugarh Municipal Corporation, “Kane ka jaka la wan ban kyntur pud beain bad la shna ia ki iing ki sem bad ha kane ka jingkyndang la pynpra ia ki san ne hynriew tylli ki iing.”
Ha kane ka jingkyndang kala mih ka jingpyrshah na ki long iing kiba la shah ktah, kiba la kam ba ki la sah ha katei ka jaka da ki phew snem bad ki don ïa ki kot ki sla kiba biang.
“Naduh u snem 1957, ngi la shong hangne. Ka sorkar ka la ai ia ngi ia kane ka jaka, bad ngi don ia ki kot ki sla. Ka mukotduma ka dang sahkut ha ka iingbishar, bad ka jingbishar kaba hadien kan long ha ka 4 tarik u Nailur, 2025. Ngim pat ioh jingsiew bai lutksan”, la ong u Riza Khan, u nongshong shnong jong ka Maijan.
