Guwahati, Naitung 18 : Hadien ka jingwan u slap, ka jingpang Dengue kala nang kiew ha ka thain Karbi Anglong District hadien ba 90% ki briew kila ioh pang ha kine ki san sngi bala leit noh.
Palat 200 ngut ki briew kila nang iabit ia ka jingpang bad la pynthikna ia kane da ka tnad ka Koit ka Khiah ka Assam, kaba la pyntip baka jingdon jong ki briew kiba dang pang kala kot sha ka 764 ngut kat haduh ka janmiet sngi Nyngkong.
“Napdeng ki 229 ngut kiba pang, 92% ki dei na Karbi Anglong bad ka Diphu kaba dei ka District Headquarter ka dei ka thymmei jong ka jingpang. Haduh mynta, tang uwei u briew ula iap ha ka Jylla mynta u snem. Kane ka jingiap ka dei na Karbi Anglong dang shen” ong ki Heh ka Koit ka Khiah.
Ha ki District ba marjan ka Dima Hasao, ka jingdon kiba ioh pang Dengue kala kiew sha ka 31 ngut katba kiwei pat ki jala kata ha Kamrup Metro bad Kamrup kala kiew sha ka 23 bad 21 ngut ha kane ka aiom.
Ka Jorhat District ha Upper Assam kala don haduh 16 ngut ki briew kiba ioh ia kane ka jingpang tad haduh ka sngi Nyngkong.
