Guwahati, Rymphang 25: Ki kynthei naka niam Muslim ka Jylla Assam kila pynpaw ia ka jingkmen halor ka jingpynduh pyndam noh iaka ain naduh ka por synshar ka ri Bilat- ka Registration of Muslim Marriages and Divorces Act, 1935 da ka Sorkar Jylla.
Ki kynthei Muslim kila iaroh iaka Sorkar Jylla daka ba ong “Ngi ai khublei iaka Sorkar Assam b aka shim ia kane ka rai..Mynta ka sngi ngi rakhe lehkmen ia kane ka ain naduh ka por synshar ka Ri Bilat, la pynduh pyndam noh ” ong ka Rekha Doley kaba pyniaid iaka training centre naka bynta ki lanot ka triple talaq ne ka hok iapyllait sanshieng ba laisien kynthih jong ki shynrang.
“U Myntri Rangbah ka Jylla Assam u Himanta Biswa Sarma u la shim iaka sienjam kaba khraw bha ban pynkupbor ia ki Kynthei bad ngi ai khublei ia u. Kane ka Training Centre kala plie lad ia ki kynthei kiba mad ia ki jingshah thombor ha la ki jong ki kurim” ong ka Saheba Ahmed.
Ki kynthei Muslim kiba don ha kane ka Centra kila ialehkmen halor ka rai baka Sorkar Jylla kala shim daka ba sam jing bam para maki.
Haka 24 tarik mynta bnai, ka Sorkar kala shim iaka rai ban pynduh pyndam noh ia ka Act bad ka kynhun Myntri kala mynjur ban iarap song pisa ba mar T.2 lak shaki 94 ngut ki Muslim marriage registrars namar ki jingai jingiarap.
