Guwahati, Risaw 7: Ka Special Investigation Team (SIT) kala lap ia ka jingthep pisa ba shi klur tyngka sha ka bank account jong ar ngut ki personal security officers (PSO) u Zubeen Garg, ha kaba u wei napdeng ki phra ngut, u wei uba ia don lang ha ka yacht ha Singapore ha ka por ba u Zubeen Garg u la khlad.
Ia kane ka jingpynthep pisa yn dang bishar bniah.
Haba kren sha ki lad pathai khubor, u Myntri Rangbah ka Assam u Himanta Biswa Sarma u la ong, “Ka sorkar jylla kala kyrpad ia ka tnad Enforcement Directorate bad ia ka Income Tax department ba kan peit ha ka liang jong ka pisa ha kaba iadei bad ka case halor ka jingkhlad noh u Zubeen Garg”.
“Nga kyrmen skhem ba ki central agencies kin shim khia ia kane”, u la ong.
Ka SIT kala kem ia u North East India festival organiser u Shyamkanu Mahanta, u manager jong u Zubeen Garg u Siddharth Sharma, u nongtem drum u Shekhar Jyoti Goswami bad u nongia rwai lang u Amritprabha Mahanta, ha ka sngi Nyngkong bad ka jingtohkit ka dang iai bteng bad ruh ia ka jingshim statement na ki briew bapher bapher.
“Nga kyrmen skhem ba baroh na Singapore kiba donkti kin ïadon bynta lang ha ka jingtohkit shen. Ka thong ba kongsan jong ngi ka long ban tip thikna ïa kaei kaba la jia ïa u Zubeen Garg bad kumno u la khlad noh. Ki don ki riew shimet kiba la kam ba ki pulit ka Singapore ki khanglad ïa ki ban leit sha India, lane ba ki kam jong ki kin don ha ka jingma lada ki wan ban shah tohkit,” la ong u Sarma.
Shuh shuh u Sarma u la ong, “Katba ka jingtohkit kan dang lah ban shim por, ngi pynshlur ia ki ba kin ia trei lang bad ngeit skhem ia ka jingia shim bynta ka jong ki. Kawei ka ejahar (FIR) la ujor pyrshah ia u Union minister u Jyotiraditya Scindia. U Jyotiraditya Scindia um don kano kano ka jingiadei bad u Zubeen Garg ne u khlem leit sha Singapore bad um tip ne ithuh ia u Zubeen.Hynrei la shah ujor ejahar pyrshah ia u,” ong u Sarma.
“Ki don ki katto katne ngut kiba pyrshang ban pynthut ia kane ka jinglong jingman, la mih ar tylli ki kynhun bad kawei kadei ki nongkyrshan ba shisha jong u Zubeen Garg, bad kawei pat kadei ba shim kabu ha ka sain pyrthei.Ki don ruh kiba ym pat ju ioh sngew ia ki jingrwai jong u Zubeen Garg, mynta kynsan kynsan kila kylla long ki nongkyrshan ba khraw jong u Zubeen Garg. U wei napdeng jong ki u la ai jingmut ba u Garima Garg u dei ban iakhun na Jalukbari constituency,” ong u Myntri Rangbah ka Assam.
 kala lap ia ka jingthep pisa ba shi klur tyngka sha ka bank account jong ar ngut ki personal security officers (PSO) u Zubeen Garg, ha kaba u wei napdeng ki phra ngut, u wei uba ia don lang ha ka yacht ha Singapore ha ka por ba u Zubeen Garg u la khlad.){kind=link}