Guwahati, Risaw 07: U Myntri Rangbah Assam Himanta Biswa Sarma ha ka sngi ba-ar u la ther tyngeh kylla ia u President ka Congress Gaurav Gogoi halor ka jingkynthoh ba dang shen jong u bad ong ba yn sa ujor da ka ejahar pyrshah ia u Gagoi namar ba u la kren ia ki kyntien kiba pynshit briew.
U Sarma u la ong, “Ki politician kiba ong ba lada uno uno u artist u iap sha kawei pat ka jylla, kin thang ia ki dukan — hato kane kam dei ka jingpynshit? Mynta ka sngi,kaei kaba u president ka Congress u la ong? Ba kin thang ia ki dukan. La dep ban ujor da ka FIR pyrshah ia u Gaurav Gogoi, bad yn register ia ka omnibus case khnang ba ki briew kin ym sngewthuh bakla.”
Shuh shuh u Sarma u la bynrap ba ia u Gagoi yn sa kylli jingkylli ha kaba iadei bad katei ka case.U Myntri Rangbah ka Jylla ula kynnoh ba ki nongïalam ka Congress ki la thaw jingklumar ha ki katto katne ki jaka, kynthup ïa ka kad liengsuiñ bad ha Sarusajai, ha ka por ba ki ïakhih pyrshah ïa ka CAA.
U Sarma u la kynthuh ruh “Kumno un sngewthuh ia ka jingpang nud jong ki paidbah ka jylla Assam bad India? Kumno un pynioh ia ka hok jong u Zubeen Garg? U Zubeen Garg u dei u nong India, hynrei ar ngut ki khun jong u kila kylla long nongwei.Kumno un sngewthuh ia ka jingpang nud jong ki paidbah ka jylla Assam.
U Sarma u la pynkut ba kum kine ki jingkynthoh bad ki kam na ki nongïalam ka Congress ki pynpaw ïa ka jingïapher jong ki kaba nang jur na ki jingsngew ki paidbah Assam.
