Guwahati, Naitung 13: Ka United Liberation Front of Asom–Independent (ULFA-I) ha ka kyrwoh khubor ba la pyllait, kala kynnoh ba ka la don ka jinghiar thma ki shipai India da ki drone ha ki ktem jong ka kynhun ha khappud ka India bad ka Myanmar ha ka por mynstep jong ka Sngi U Blei.
Ka kynhun, kala kynnoh ba ki shipai jong ka ri India kila donkti halor kane ka jingthombor da kaba pyndonkam da ki drone ia kaba la shna ha Israel bad France, da kaba thmu ban pynpra ia ki ktem jong ka ULFA-I bad RPF/PLA kiba don hapdeng ka Longwa (Nagaland–Myanmar border) bad ha Pangsu Pass (Arunachal Pradesh–Myanmar border).
Ha ka kyrwoh ba la soi da u Second Lieutenant uI shan Asom, uba dei u Assistant Secretary ka ULFA-I’s publicity wing, kane ka kynhun kala kam ba ki don haduh 150 tylli ki drone kiba la pyndonkam ha katei ka jinghiar thma hapdeng ka por 2 bad 4 baje mynstep.
Ka seng ka la pynpaw ka jingsngewsih halor ka jingkhlad noh jong u nongialam ba rangbah jong ka, u Lieutenant General Nayan Asom, uba la iathuh ba u la khlad noh ha katei ka jingshah thombor. Nalor kata, la ong ba kumba 19 ngut kiwei pat ki dkhot kila mynsaw ha ki ktem bapher bapher.
 ha ka kyrwoh khubor ba la pyllait, kala kynnoh ba ka la don ka jinghiar thma ki shipai India da ki drone ha ki ktem jong ka kynhun ha khappud ka India bad ka Myanmar ha ka por mynstep jong ka Sngi U Blei.){kind=link}