Guwahati, Jymmang 17 : Ka Trinamool Congress ka Assam kala ujor sha ka Election Commission of India (ECI) pyrshah ia u Myntri Rangbah ka Assam Himanta Biswa Sarma halor ka jingkynnoh ba u pynkhein ia ka Model Code of Conduct (MCC).
Ia kane ka jingujor la mudui da u President ka Assam Trinamool Congress kaba kynnoh ba u Sarma ula kren aiding pyrshah ia ki muslim ha ka jingialap elekshon kaba long myn ha ka 15 tarik Lber ha Jharkhand.
Kat kum ka jingujor, ka TMC kala kynnoh ia u Sarma ba u kren pynshit bad kynshoit ia ki paid Hindu ba kin shun ia ki Muslim.
“Ki Mughal kila pynjakhlia ia ka Ri baroh kawei, mynta ngi ki Hindu ngi dei ban pynkhuid ia ka” la sot ia ka jingkren u Sarma ha ka shithi ba ujor.
Nalor kata, ula pynshit ruh da kaba ong ba lada ka BJP (BJP) ka jop 400 seat, kan sa leh eiei pyrshah ia ki paid Muslim.
