Guwahati, Naitung 2: Ki pulit jong ka Guwahati ha ka sngi Balang kila ioh ban kurup ia ki pisa thok kiba la tip kum ki Fake Indian Currency notes (FICN) kiba shongdor T. 10.9 lak bad la kem ia ki runar kiba donkti hapdeng ki jylla.
Kitei ki briew kiba la shah kem, ki dei kiba la tip kyrteng kum u Anuj Gupta, 34 snem ka rta, na Unnao bad u Mahesh Shukla, 32 snem ka rta bad ka Roshan Gupta, 28 snem ka rta, baroh arngut ki dei kiba na ka Kanpur District, baroh ki dei kiba shong ba sah ha Uttar Pradesh.
Katkum ki pulit, ia kine ki pisa thok la lap na kawei ka kali kaba la shah bat ha ka por ba ki pynlong ia ka jingkhynra ha ka por mynmiet ha Panjabari.
Da kaba bud ryntih katkum ka jingtip, ki pulit jong ka Dispur Police Station ki la pynlong ia ka jingkhynra bad ki la ioh ban lap ia kawei ka kynhun runar jong ka FICN.
“Ngi la ioh jingtip shaphang ka jingleit jingwan kaba suba jong kawei ka kali kaba don ia ka registration na UP ha ka miet jong ka sngi Ba-ar.La bat ia ka bad, ha ka por ba talasi, ngi la lap ia ki pisa thok kiba la buh da ki song,” la ong uwei u heh ophisar.
Ki pulit ki suba ba katei ka jingioh kurup ka don jingiadei bad ka kynhun khaii pisa thok kaba kham heh, watla ym pat lah ban pynpaw ia ki jingtip ba bniah namar ba ka jingtohkit ka dang iaid shakhmat.
 kiba shongdor T. 10.9 lak bad la kem ia ki runar kiba donkti hapdeng ki jylla.){kind=link}