Guwahati, Nailur 24: Ka Directorate of Enforcement (ED), Guwahati Zonal Office, kala kurup ia 8 tylli ki jaka bad ki jingdon jingem kiba shongdor kumba ₹94.22 lak ha kaba iadei bad ka All India Services Officers Co-operative Group Housing Society ha Assam.
Ia kane ka sienjam la leh katkum ki kyndon jong ka ain Prevention of Money Laundering Act (PMLA), 2002, ha ka 18 tarik u Nailur 2025.
Kine ki jaka bad ki jingdon jingem kidei ba la trai trai da u Rajendra Nath, ki don ha kylleng ki shnong Kukurmara, Jogipara, Barhanti Maniari, Bangara, Kawaimari, bad Rampur ha Assam.
Na ka liang ka ED kala mudui pyrshah ia ki briew kiba shah kynnoh ba kynthup ia u Sautik Goswami bad ia u Rajendra Nath, ha kaba ka iing bishar ka dang hap ban shim ia ka jingtip.Katei ka case, ka dei kaba iadei bad ki ophisar baheh ba kynthup ia ki IAS, IPS, bad IFS, kiba dei ki dkhot jong ka Housing Society.
Kane ka jingtohkit ka la sdang na ka ejahar ba la register ha Basistha Police Station, Guwahati, kaba la kynnoh ba ka don ka jingthmu ban leh kam sniew bad ka jingleh thok, bad ka jingpynkhein ia ka jingshaniah ha kaba iadei bad ka jingiateh jaka. Katkum ka ejahar, ka Officers’ Society ka la siew lypa (advance) ïa ka pisa kaba ₹3.60 klur sha u Sautik Goswami na ka bynta ban shim ïa ka jaka kaba 86 bigha kaba la thmu na ka bynta ka jaka shong jaka sah.Hynrei ia ka jaka ym shym la aiti satia, bad la pynphai tang ₹50 lak.Ka ₹3.10 klur kaba sah la kynnoh ba la pyndonkam bakla bad la ithuh kum ka “jingmih na ka kam runar.”
Ka jingtohkit jong ka ED, ka la pynpaw ba u Goswami u la rung ha ka jingiateh shimet (private arrangement) bad u Rajendra Nath na ka bynta ban thied ia katei ka jaka.La siew pisa kaba heh bha sha u Nath, la pynskhem da ki jingpdiang pisa ba la kurup bad ki jingthoh ba la buh jingthoh katkum ki kyndon jong ka PMLA.
Shuh shuh ka agency kala lap ba hapdeng u snem 2016 bad 2023, u Rajendra Nath u la ïoh bun tylli ki jaka kiba ym lah ban batai ba ki mih na ki lad kamai kiba long katkum ka aiñ.
Ka ED ka ong, ka jingtohkit kaba kham bniah halor kane ka kam ka dang iaid shakhmat.
, Guwahati Zonal Office, kala kurup ia 8 tylli ki jaka bad ki jingdon jingem kiba shongdor kumba ₹94.22 lak ha kaba iadei bad ka All India Services Officers Co-operative Group Housing Society ha Assam.Ia kane ka sienjam la leh katkum ki kyndon jong ka ain Prevention of Money Laundering Act (PMLA), 2002, ha ka 18 tarik u Nailur 2025.){kind=link}