Guwahati, Rymphang 27: Katkum ka Economic Survey ba thymmai jong ka jylla Assam, kumba 10 lak ngut ki samla pule ba la nang la stad bad kiba wadkam, kila dep ban Rejistar ha ka Employment Exchanges ha u snem 2022 haba ianujor bad ka 1.4 lak ngut ha u snem 2011. Kane ka kala kiew kynsan da 7 shah tang ha ka shi snem.
Katkum ka Kaiphod jongka Economic Survey kaba la wanrah hapoh ka iing dorbar thawain ka Assam, la pynpaw ba ka jingdon ki samla kiba wadkam wadjam kala kiew ha baroh ki liang jongka kyrdan pule puthi ha u 2022 ban ia u 201.
Katkum ka rekod jong ka Live Register jong ka Employment Exchanges, ki samla pule kiba la rejistar ka long 9,83,093 ngut ha u snem 2022 pyrshah ia ka 1,37,865 ha u snem 2021.
Ka kaiphod kala pynpaw ruh ia ka jingthmu ban pyndonkam ia ki 1,00,000 ngut ki samla khlem kam ha ki kam sorkar ha ki tnad bapher bapher kala iaid shakhmat.
