Guwahati, K’lyngkot 11 : U Myntri Rangbah ka Assam Himanta Biswa Sarma ha ka sngi Palei, ula ther ia ka Congress bad khot ia ka kum ka party ba pyrshah ia ki paid Hindu namar ka jingkyntait ban iashimbynta ha ka jingialang plie paidbah ia ka Ram Mandir.
Haba iakren bad ki nongthoh khubor ha Guwahati, u Himanta ula ong “Ka Vishwa Hindu Parisad kala ai ka kabu ksiar da kaba khot ia ki (Nongialam Congress) sha ka jingialang plie ia ka Ram Mandir. Hynrei kine ki Nongialam kila kyntait ban wan. Da ka jingwan iashimbynta, ka Congress ka lah ban saitkhuid na ki katto katne ki pop ba kala leh pyrshah ia ki paid Hindu”.
“Ka VHP kala ai ka kabu ksiar ia ki nongialam ka Congress ba kin saitkhid noh ia ki katto katne ki pop namar ka Congress baroh shi katta kala iakhun pyrshah beit ia ki paid Hindu.
Hynrei da ka jingbym pdiang ia ka jingkhot sngewbha, kila duh noh ia kane kabu bad ha ki snem ban wan, ki phew snem ban wan, ka Congress kan iai bteng ban long ka party ba pyrshah ia ki hindu. Kane ka dei ka kam kaba sdang da u Pandit Nehru haba u boycott ia ka jingialang plie ia ka Somnath Temple” ong u Himanta.
Ula ong “Ha ka jingsngew jong nga, ym dei ban khot satia ia ki”.
