Guwahati, Rymphang 11: Ki shipai haka jingiatreilang bad ki Pulit hynne ka sngi, kila ioh ban kurup ia ki tiar ialeh bad ki kuli na Baghjan kaba hap ha Eastern Assam jong ka Tinsukia district.
Hadien ka jingioh jingtip ba thikna, ki shipai bad ki Pulit kila pynlong ka jingkynra ha Baghjan kaba hap ha Tinsukia district bad kila ioh ban kem 2 ngut ki briew ba kynthup ia u Brajnath Panicka (42 snem) na Line 6 ka Rupai Tea Estate bad u Niranta Baruah (46 snem ) na Bhatiyamkhal Kardaiguri.
Kat kum ka jingong ki Pulit, na kine ki arngut la ioh ban kurup kawei ka pistol bad ki kuli. Kine 2 ngut ki dei kiba donkti ban khai tiar ialeh bad ki kam lute nalor ka khaii drok.
Ia kine 2 ngut la tohkit hapoh Doom Dooma police station naka bynta ban lap kham bniah iaki kam pyntriem jong ki.
