Guwahati Naitung 03 : Ki Pulit ka Assam kila ioh ban kem haduh 7 ngut ki briew na kylleng ki jaka ka Assam, Nagaland bad West Bengal kiba donkti ha ki kam dawa pisa jubor da kaba pyndonkam ia ka kyrteng jong ki kynhun Kaikhlaw.
Kat kum ka jingong ki Pulit, kane ka kynhun ki runar kila leh ia shibun ki kam dawa pisa ha ka kyrteng jong ka Boro Liberation Army (BLA) bad ka Kamatapur Liberation Organisation (KLO) hapoh ka Bodoland Territorial Region (BTR) ka Assam.
U Director General of Police (DGP) ka Assam ula pynthikna ia kane ka jingiohkem ha ka jingkhynra ban pynduhjait ia ka kynhun ki runar kiba dawa pisa.
Haba ai khubor lyngba ka twitter, u DHI ula ong ba ki Pulit ka Assam kila lah ban sei madan iaka kam jong kine ki runar kiba don jingthmu ban pynkha ia ka kynhun kaikhlaw.
U DGP ula sam paidbah ruh ia ka dur jong ka letterhead jong ka Boro Liberation Army. Napdeng kine ki runar, lai ngut la kem na Udalguri District, 2 ngut na Karbi Anglong bad uwei na Darrang bad uwei na Tamulpur.
Kine ki runar kila ioh ban dawa pisa na bun ngut ki heh spah da kaba pyndonkam ia ka kyrteng ka BLA bad KLA.
 bad ka Kamatapur Liberation Organisation (KLO) hapoh ka Bodoland Territorial Region (BTR) ka Assam.){kind=link}