Guwahati, Naitung 3: Ki Pulit ka Assam kila kem ia uwei u briew halor ka jingkynnoh donkti ba u leh beijot bad pyniap dusmon ia kawei ka Khynnah 16 snem ha Kamrup District hynnin ka sngi U Blei.
Ia une u runar la tip kyrteng da u Bablu Tumung, uba dei u nongniah autorickshaw.
Kat kum ka khubor, une u briew ula leh beijot bad hadien ula pyniap ia kane ka Khynnah bad bret pat ia ka met hapoh ka wah Digaru. Kane ka Khynnah ka dei kaba dang pule klas VIII.
Ki Pulit ki pyntip ba ia ka metiap jong kane ka Khynnah la lap ha ka sngi Thohdieng naka wah Digaru kaba don ha ka thain Sonapur.
“Ha ka 26 tarik Jylliew, ka para jong nga kala leit sha Iew ban thied dohkha hynrei ka khlem wan phai iing shuh. Ngi la leit pyntip sha ki Pulit ka Sonapur Police Station bad ngim tip satia kumnp kane ka jingjia ka jia hynrei ia ka met jong ka, la lap na wah Digaru” ong ka hynmen.
Kane ka jingjia kala pynbitar ia ki trai shnong kiba la leit tur paidbah ha ka sngi U Blei sha Sonapur Police Station bad dawa ba dei ban rai pyniap beit ia une u runar.
Ha ka jingtohkit, u Tumung ula phla ba u la leh ia kane ka kam bymman.
Pule lang ia kane: Pynshai ka Health Deptt ba ki dawai ba bret sha Marten ki dei kiba la kut por
