Guwahati, Rymphang 16: Haduh 17 ngut ki briew kila shah kem haki Pulit halor ka jingkulmar kaba la jia ha Kheroni West Karbi District ka Jylla Assam.
Lyngba ka Twitter X, u DGP ka Assam u GP Singh ula ong ba kine kiba shah kem bad kila shah Register halor ka jingjia ha Kheroni.
“Namar ka jingia kynnad kaba la jia ha Kheroni, West Karbi Anglong District haka 15 tarik, la Register Case ha Kheroni P.S. Case No. 12/2024 U/S-341/147/143/294/120B/153A 325/307/506/427 I.P.C bad la kem 17 ngut” ong u DGP GP Singh.
“@assampolice ki Pulit kin nym map iano iano kiba pynkhien iaka ain. Baroh kiba donkti haka jingiakynnad kin shah kem. La wanrah biang ki bor pajara ban pyrkhing haki jaka ba lah ban don ki jingiakulmar bad haka juh ka por ban iaid pahara naka bynta ban wanrah biang ka jingsn shnwgain iaki paidbah” ula ong.
Ki tyllong khubor ki iathuh ba la don kawei ka kynhun kiba la shah thombor ha ki briew bym lah ban ithuh hadien ka jingiakhih kaba dei halor ki jaka pute ha BGR bad PGR ha West Karbi Anglong district.
Kane ka kynhun kala pynlong ka jingiakhih halor ki jaka puta bad kila shah thombor katba ki dang iaid lynti na Kheroni ban leit phai shala ing.
Ki kynhun naki shnong kila khot daka jingkhangdam ha Karbi Hill bad kane kala ktah ia baroh.
Ki kynhun kila aipor 48 kynta ban leit eiei halor kane.
