Dibrugarh, Risaw 25: U Joint Commissioner jong ka GST ka Dibrugarh Rahul Kumar, u la shah kem ha ka CBI hynne ka sngi Thohdieng halor ka jingkynnoh ba u pdiang ia ka jingthong pisa ba kot T.60 lak ha ka por ba u trei ha Mumbai.
Ia u Kumar la kem na Guwahati, haka por ba u dang wan na ka kam kaba kyrpang na Dibrugarh. La khmih lynti ba un hap ban wan mihkhmat mynta ka sngi hakhmat ka Special CBI Court ha Guwahati.
Kane ka jingthong pisa, kaba la iapynbeit nyngkong eh T.80 lak, ka dei kaba la pyniakren da uwei u Chartered Accountant(CA) na ka bynta kawei ka Company.
Kham mynshwa, 3 ngut ki GST Inspector bad u CA ruh ki la shah kem ha Mumbai ha kaba iadei bad kane ka kam bam pisa.
