Guwahati, Nohprah 3: Kum shi bynta ban tehlakam ia ki kam sniew kiba wan na shilliang pud ka ri, ka Narcotics Control Bureau (NCB), Guwahati, kala ioh ban kurup haduh 6.149 kg u heroin na kawei ka lieng ha ka wah Barak bad la kem noh ia ar ngut ki briew kiba dei ki nongkhaii, ha ka jingkhynra ba la lam khmat da ki bor syntiat.
Haba bud ryntih katkum ka jingtip ba la ioh pdiang, ka kynhun NCB kala bat ia kawei ka lieng ha ka miet sngi Nyngkong ha ka por ba ki dang khynra ha kane ka wah ha ka jingkyrshan lang bad ki CRPF jong ka 147 Battalion bad ki pulit ka Silchar. Ia une u heroin— la song ha ki synduk sabon kiba don haduh 530 tylli ki song bad la ioh kurup ia u hadien ka jingwad bniah ia ka lieng.
Katkum ka jingong ki heh ophisar, utei ka mar u la wan na Myanmar bad la pynkit lyngba ki jaka ba don khlaw bad na ki wah ban iaid lait ia ki jingpeitngor ha ki surok haduh ban da poi sha Silchar.
Ki tyllong khubor ka NCB ki la ong ba katei kala pynpaw pyrthei ia ka lynti ba ju supply ia kaba la ju pyndonkam ban pynpoi lyngba ki wah ia u narcotic shapoh ka jylla Assam bad kumjuh sha kiwei ki jylla jong ka ri India.
Kine ki ar ngut ki nongkhaii kiba la shah kem, ki pulit ki la pynlong ia ka jingtohkit ban dang lap ksai shuh shuh ia kiba donkti bad ia ka kynhun bad ruh ban ioh jingtip ia u trai ne nongpyniaid jong ka lieng ha baroh ar liang ki pud.Ki bor ba dei khmih ki ong ba kin dang don shibun ki ban sa shah kem katba dang iaid ka jingtohkit.
, Guwahati, kala ioh ban kurup haduh 6.149 kg u heroin na kawei ka lieng ha ka wah Barak bad la kem noh ia ar ngut ki briew kiba dei ki nongkhaii, ha ka jingkhynra ba la lam khmat da ki bor syntiat.){kind=link}