Guwahati, Nohprah 03: Uwei u nongkhaii drok ula shah siat iap katba 2 ngut kila mynsaw haka jingia ther kuli bad ki Pulit ka Jylla Assam kaba la jia haka step Sngi u Blei.
Nalor kane ki Pulit kila kurup ia u Drok na kine ki nongkhaii.
La iathuh ba u ba khlad u la tip kyrteng kum u Salam ba shong ba sah ha Hatigaon Guwahati. Ki 2 ngut kiba mynsaw ki kynthup u Hiranya Thakuria bad u Faizuk Haque.
Katkum ka jingiathuh naka naki Pulut ka Special Task Force (STF), kane ka jingjia kala jia hadien bala ioh jingtip bad kila kthong haki thain Agyathuri kaba jia kumba 14 kms na Guwahati.
“Ka kynhun kala kthong ia kawei ka kali hynrei kala poi shaka jingiasiat markylliang bad kane kala pynlong iaki Pulit ban siat iap ia uwei nongkhaii bad mynsaw 2 ngut bad la ioh kem hadien” la ong ki pulit.
Iaki 2 ngut ba mynsaw la pynkit sha TRB Civil Hospital Kamrup.
“Uwei u Pulit constable ba kyrteng Hima Das, ula mynsaw namar ka jingiather kuli hapdeng ki nongkhaii drok bad ki Pulit. 2 ngut ki riew paidbah kata u Noor Islam bad ka Rebati Bharali kila mynsaw malum mala bad ia kine la pynkit shaka TRB Civil Hospital”.
