Guwahati, Nohprah 15: Sa kawei ka jingkhein sting jong ki doktor kala paw pyrthei ha Tinsukia District ka Assam, ha kaba kawei ka Longkmie kala iap tang mar syn dep kha ia I Khunlung ha kawei ka hospital shimetha Margherita.
Ki bahaiing hasem kila kynnoh ba dei ka jingkhein sting jong ki doktor ba kane ka longkmie kala iap hadien ba kha khun.
Kane ka Longkmie ka kyrteng ka Mitali Phukan Buragohain, ka nongshongshnong ka shnong Parbotipur kaba hap hapoh ka Jagun police outpost.
Kat kum ka khubor, kane ka jingjia kala jia ha Rontix Private Hospital kaba don ha Tiniali Margherita.
Ki bahaiing kila kynnoh ba dei namar ka jingkhein sting u doktor gynaecologist Dr Tapan Chandra Borthakur ba lam sha ka jingiap jong ka Mitali.
Haba kren sha ki lad pathai khubor, u Kurim ka Mitali ula ong “Ngi la wan check up hynnin ka sngi ha kaba u doktor ula bat syndon ban sah ha hospital. Ia ka kurim jong nga la ialam sah OT ha ka por 6 baje janmiet hynrei u doktor Anaesthesia ula wan ha ka por 7 baje janmiet. Ha ka por 8 baje, la pyntip ba nga la ioh ia I Khun Kynthei hynrei ha ka sngi kaba bud, ka kurim jong nga kala ud ba pan ka trai kpoh bad ioh haduh ar injek”.
Une u kurim ula kynnoh b aka Mitali kala pyrshang ban pan ia ka jingiarap jong ki doktor hynrei ki doktor kila wan hadien 50 minit bad dei namar kane ka jingslem b aka kurim jong nga kala iap noh.
