Guwahati, Naitung 5: Ka jingiatreilang hapdeng ka India bad Japan halor ka clean energy, Japan’s Suzuki R&D Centre India, ka National Dairy Development Board (NDDB) bad ka Purabi Dairy kaba don ha Assam ki la iasoi ia ka jingiateh kular ban seng ia ka karkhana compressed biogas (CBG) plant kaba nyngkong eh jong ka jylla, kaba pynkylla ia ka sboh masi bad marrep ba pyut sha ka umphniang kaba khuid bad ka sboh ha ka rep ka riang.
Ïa kane ka Memorandum of Understanding (MoU) la ïasoi ha New Delhi ha ka 2 tarik Naitung ha ka jingïadon lang u President ka Suzuki Motor Corporation u Toshihiro Suzuki bad u chairman ka NDDB u Dr Meenesh Shah. Ïa kane ka jingïateh kular la soi da u Executive Director ka NDDB u S. Rajeev, u Managing Director ka North East Dairy and Foods Ltd. (NEDFL) Managing Director Satya Brata Bose bad Suzuki R&D India Director u Kenichiro Toyofuku.
Ka NEDFL, ka dei ka kompeni ba iatreilang hapdeng ka sorkar Assam bad ka NDDB, ka pyniaid iew ia ki dud hapoh ka kyrteng Purabi bad kan pyntreikam bad pyniaid ia ka karkhana CBG ba la tyrwa.Ka kompeni kan pyniaid iew ruh ia ka sboh ba la pynkhluit bad ki sboh ba la pynmih na ka jaka, katba ka NDDB kan ai ka jingkyrshan ha ka liang ka jingstad bad ka tnat treikam.Ka Suzuki R&D India kan bei tyngka ha kane ka projek bad kan pynurlong ia ka jingmyntoi jong ka carbon kaba mih lyngba ka jingpynduna ia ka jingpynmih lyer.
La khmih lynti ba kane ka projek kan pynkylla ia ki jaboh na ka rep ka riang bad ki dairy waste ne ki dud ba la sniew sha ka biogas ba la pynkhluit, ka umphniang kaba lah ban pynthymmai kaba lah ban pyndonkam ha ki kali bad ki karkhana, katba ka pynmih ruh ia ka sboh organic.Nalor ban kyntiew ia ka jingpyniaid ia ki scientific waste management, kane ka jingthmu ka thmu ban pynduna ia ka jingmih jong ki greenhouse gas emissions, ban pynbha ia ka koit ka khiah jong ka khyndew bad ban thaw ia ka lad kamai kaba kham heh na ka bynta ki nongrep dud da kaba pynmih ia ka dor na ki jaboh.
U Chairman ka NDDB u Dr Meenesh Shah u la ong ba ka Assam bad ka thain North East ka dei kaba la paw lypa ha ka rukom rep kaba jan bad ka mariang bad kane ka projek kan nang pynkhlaiñ shuh shuh ia ka rep ka riang kaba neh katba kan kyntiew ia ka ioh ka kot jong ki nongrep dud (dairy farmers’) lyngba ka rukom rep kaba kyllum (Circular Economy Approach).
U President ka Suzuki Motor Corporation u Toshihiro Suzuki u la iathuh ba katei ka kompeni ka la don lypa ka jingiadei bad ki khyndai tylli ki karkhana biogas ha kylleng ka ri India, ha kaba ar tylli na kine ki dei kiba treikam ha Gujarat.U la ong ba kane ka projek ha Assam ka pyni ia ka jingangnud jong ka Suzuki ban kyrshan ia ka sorkar Japan bad India ha kaba pyniar ia ka jingpyndonkam ia ka biogas ha kylleng ka ri.
U Managing Director ka NEDFL u Satya Brata Bose u la ong ba kane ka projek ka iahap bad ka jingthmu jong ka thain North East halor ka jingpynneh pynsah ia ka mariang bad pynskhem biang ia ka jingangnud jong ka Purabi Dairy ban pynlong ia kane ka jingthmu kum u mawjam ha ka jingiaid lynti sha ka lawei kaba khuid bad kaba jyrngam.
Ka plant ba la tyrwa la khmih lynti ba kan pynkhlain ia ka bor ding kaba khuid jong ka Assam da kaba pyniasoh ia ka jingpynmih bor ding kaba lah ban pynthymmai bad ka jingpyniaid ia ki jaboh jabaiñ kaba don jingkitkhlieh katba ka ba khraw ia ka jingiatreilang hapdeng ka India bad ka Japan ha ka kam pynroi kaba neh ia ki nongkyndong.
 bad ka Purabi Dairy kaba don ha Assam ki la iasoi ia ka jingiateh kular ban seng ia ka karkhana compressed biogas (CBG) plant kaba nyngkong eh jong ka jylla, kaba pynkylla ia ka sboh masi bad marrep ba pyut sha ka umphniang kaba khuid bad ka sboh ha ka rep ka riang.){kind=link}